Este ano no cole non celebramos "O día" senón o día, a semana, o mes e ata o trimestre... do libro. Estivemos a ler a obra da nosa admirada escritora Fina Casalderrey e tivemos a sorte de gozar da súa presenza. Escoitámola en vivo e en directo, así tan preto que case consegue emocionarnos máis que cos seus libros.
Encantounos a experiencia e recoñecemos a enorme ilusión que nos fixo levar para a nosa biblioteca particular o noso libro adicado.